لیگ نے باہمی تعاون بڑھانے پر گفتگو کے لئے لاطینی فلسطینی فورم کے وفد سے ملاقات کی

لیگ آف پارلیمنٹرینز فار القدس اینڈ فلسطین نے استنبول میں اپنے ہیڈکوارٹرمیں لاطینی فلسطینی فورم کے ایک وفد کا استقبال کیا۔ اس ملاقات میں لیگ کے سیکریٹری جنرل ڈاکٹر محمد مکرم بلعاوی اور میڈیا شعبے کے سربراہ عمر بوطالب بھی موجود تھے۔

وفد میں فورم کے صدر محمد قادری، جنرل منیجر احمد هويد ی، ارجنٹینا میں فورم کے ڈائریکٹر عبدالقادر ابو خرج، اور فورم کے میڈیا شعبے کے سربراہ راتب الصفدی شامل تھے۔

ملاقات کے دوران باہمی تعاون کو مزید مضبوط بنانے اور فلسطینی کاز کی حمایت کے لئےپارلیمانی اور سماجی سطح پر مشترکہ کوششوں پر تبادلہ خیال کیا گیا۔ اس کے علاوہ دونوں اداروں کے درمیان مستقبل کے مشترکہ پروگراموں پر بھی گفتگو ہوئی۔

لیگ کے سیکریٹری جنرل نے لیگ کی سرگرمیوں اور فلسطین کی تازہ صورت حال پر تفصیلی بریفنگ دی، جس میں شہریوں کے خلاف اسرائیلی مظالم کا ذکر کیا گیا اور غزہ پر جاری محاصرے کے خاتمے اور جارحیت روکنے کے لئے فوری پارلیمانی اور بین الاقوامی مداخلت کی ضرورت پر زور دیا گیا۔

دونوں فریقوں نے اس بات پر اتفاق کیا کہ لاطینی امریکہ میں پارلیمانی سطح پر مشترکہ موقف اختیار کرنا وقت کی اہم ضرورت ہے، تاکہ فلسطینی عوام کے حقوق کی حمایت کی جا سکے، خاص طور پر ایسے وقت میں جب اسرائیلی قبضے کے حملے شدت اختیار کر چکے ہیں اور فلسطینیوں کے خلاف نسلی صفایا کی پالیسیاں جاری ہیں۔