فلسطینی پناہ گزینوں کے لئے بنی اقوام متحدہ کی ریلیف اینڈ ورکس ایجنسی (یو این آر ڈبلیو اے) کے مطابق شام اور لبنان میں تقریباً 90 فیصد فلسطینی پناہ گزین غربت کی سطح سے نیچے زندگی گزار رہے ہیں۔

یو این آر ڈبلیو اے کے کمشنر جنرل فلپ لازارینی نے اردن کے دارالحکومت عمان میں نامہ نگاروں کو بتایا کہ "لبنان میں فلسطینی پناہ گزینوں کی حالت غربت کی انتہائی نچلی سطح پر پہنچ چکی ہے۔ ان میں زیادہ تر غربت کی سطح سے نیچے کی زندگی گزار رہے ہیں۔" لازارینی کے مطابق 40 فیصد طلباء "ہر صبح ناشتہ نہیں کر سکتے۔"

جنرل فلپ لازارینی کا کہنا ہے کہ "یو این آر ڈبلیو اے کو فوری طور پر 50 سے 80 ملین ڈالر کی ضرورت ہے تاکہ وہ اس سال کے اختتام تک اسکولوں، صحت کے مراکز اور دیگر بنیادی خدمات کو جاری رکھنے کے قابل ہو۔" انہوں نے زور دیتے ہوئے کہا کہ ایجنسی کو "ڈیجیٹل ٹرانسفورمینشن اور ختم ہونے والے اثاثوں کی حمایت کے لئے 200 ملین ڈالر کی ضرورت ہے۔"