لیگ آف پارلیمنٹرینز فار القدس (LP4Q) کے ایک وفد نے زمبابوے کے وکٹوریہ فالس میں منعقدہ افریقی پارلیمانی یونین کے 44ویں اجلاس میں شرکت کے موقع پر متعدد عہدیداروں اور اراکین پارلیمنٹ سے ملاقاتیں کیں۔

لیگ کے وفد کی نمائندگی اس کے ڈائریکٹر جنرل ڈاکٹر محمد مکرم بلاوی اور لیگ کی ایگزیکٹو باڈی کے رکن ڈاکٹر یونس ابوبکر کر رہے تھے۔ انہوں نے خاص طور پر جمہوریہ چاڈ، نائیجر اور نائیجیریا کے وفد سے ملاقات کی۔ ان ملاقاتوں کے دوران انہوں نے پارلیمانوں میں فلسطین کمیٹیوں کے قیام، فلسطینی کاز کی حمایت اور اسے اپنے ملکوں کی پارلیمانوں میں اپنانے کے طریقوں اور یروشلم و فلسطین پر قبضے کے طریقوں کو بے نقاب کرنے کے لئے علاقائی اور بین الاقوامی سطح پر اراکین پارلیمنٹ کے کردار کو فعال کرنے کے بارے میں تبادلہ خیال کیا گیا۔

ان ملاقاتوں میں لیگ نے فلسطینی کاز کی خدمت کے لئے افریقی پارلیمانوں کی کوششوں کو بڑھانے اور مربوط کرنے کے طریقوں کا بھی جائزہ لیا، نیز اس مقصد کی حمایت کے لیے مختلف علاقائی اور بین الاقوامی پارلیمانی فورمز میں ہم آہنگی کی پوزیشنوں پر تبادلہ خیال کیا گیا۔

ان میٹنگوں میں شریک وفود نے فلسطینی کاز اور فلسطینی عوام کی حمایت کے لیے لیگ کی طرف سے کی جانے والی کوششوں کو قدر کی نگاہ سے دیکھا اور دنیا بھر کے اراکین پارلیمنٹ اور پارلیمنٹ کے ساتھ زیادہ سے زیادہ رابطے کا مطالبہ کیا تاکہ انہیں اسرائیل کے قبضے کے جرائم سے آگاہ کیا جا سکے۔

لیگ آف پارلیمنٹرینز فار القدس کی یہ وفد افریقی پارلیمانی یونین کے44ویں سیشن کے کام اور جلسے میں شرکت کر رہی تھی، جس میں افریقی براعظم کی آبادی پر دہشت گردی کے سنگین اقتصادی و سماجی اثرات اور دہشت گردی و پرتشدد انتہا پسندی سے نمٹنے کے لیے اراکین پارلیمنٹ کے تعاون پر تبادلہ خیال کیا گیا۔ 

لیگ کے پاس افریقی پارلیمانی یونین کے علاوہ اسلامی تعاون تنظیم (او آئی سی) کے رکن ممالک کی پارلیمانی یونین (PUIC)، عالمی تنظیم برائے پارلیمنٹرینز اگینسٹ کرپشن (GOPAC) اور عرب انٹر پارلیمنٹری یونین میں مبصر کی رکنیت حاصل ہے۔